विराटनगरका आगलागीबाट मृत्यु भएकालाई जनही एक लाख

विराटनगर। विराटनगर महानगरपालिकाले आगलागीमा ज्यान गुमाएका पीडितपरिवार र घाइतेलाई राहत उपलब्ध गराउने भएको छ । बुधबार महानगरपालिका–७, सातघुम्तीस्थित कबाडी गोदाममा आगलागी भएको थियो ।

मृत्यु भएका परिवारलाई जनही एक/एक लाख रुपैयाँ तथा घाइतेलाई ५०/५० हजार राहत महानगरपालिकाको विपद् व्यवस्थापन कोषबाट उपलब्ध गराउने महानगरका प्रमुख नागेश कोइरालाले जानकारी दिए ।

विराटनगर–७, सातघुम्तीस्थित दुखा मण्डलले सञ्चालन गरेको कबाडी पसलमा बुधबार आगलागी हुँदा विराटनगर–६ का दीपक मण्डल, सुशीला पासवान र सुनिता कामतको मृत्यु भएको थियो । सुशीलाको घटनास्थलमै मृत्यु भएको थियो भने मण्डलको बुधबार उपचारका लागि अस्पताल लैजाने क्रममा विराटनगरमा तथा सुनिता कामतको उपचारको क्रममा काठमाडौंमा मृत्यु भएको थियो ।