धितोपत्र बोर्ड अध्यक्षको स्वीकार ‘नयाँ स्टक एक्स्चेञ्ज ल्याउन असफल’

काठमाडौं । नेपाल धितोपत्र बोर्डका अध्यक्ष रमेश कुमार हमालले नयाँ स्टक एक्स्चेन्ज ल्याउन असफल भएको स्वीकार गरेका छन् ।

नेपाल आर्थिक पत्रकार संघ (नाफिज)ले शुक्रबार आयोजना गरेको ‘आर्थिक मन्दीमा ‘पुँजीबजार सम्भावना र चुनौति’ सम्बन्धि अन्तरक्रिया कार्यक्रममा बोल्दै अध्यक्ष हमालले यस्तो स्वीकार गरेका हुन् । उनले नयाँ स्टक एक्सचेन्ज ल्याउने भनेको लामो समय प्रयास गरे पनि बोर्ड असफल भएका बताए ।

अध्यक्ष हमालले पुँजी बजारमा प्रतिष्पर्धा गर्न नयाँ स्टक एक्सचेन्ज ल्याउन सबै प्रक्रिया पुर्‍याएर तीन कम्पनीको आवेदन परेको १२/१३ महिनाको अवधि हुँदा पनि स्वीकृत गर्न नसकेको भन्दै धितोपत्र बोर्ड स्टक एक्सचेन्ज ल्याउन असफल भएको बताए। उनले सरकारले सरकारसँग जुध्न गाह्रो भएको भन्दै विश्वको पुँजीबजारसँग प्रतिष्पर्धा गर्ने नयाँ स्टक एक्सचेन्ज ल्याउन खाजेको बताए ।