कपिल शर्मा एक सिजनको लिन्छन् ५० करोड

काठमाडौं ।  भारतीय चर्चित कमेडियन कपिल शर्मा भारतकै महँगो कमेडियन हुन् । उनको नाममा सो छ । उनले द कपिल शर्मा शो चलाउने गरेका छन् । शर्माले एक सिजनको करिब ५० करोड भारतीय रुपैयाँ पारिश्रमिक गरेको भारतीय सञ्चार माध्यमहरुले जनाएका छन् । 

हाल ‘द कपिल शर्मा शो’ को चौथो सिजन प्रसारण भइरहेको छ । यससँगै कपिल अहिले आफ्नो तेस्रो फिल्म ‘ज्विगाटो’ को प्रमोशनमा व्यस्त छन् । 

‘द कपिल शर्मा शो’ को पहिलो सिजनमा उनले २० लाख भारतीय रुपैयाँ लिएका थिए भने दोस्रो सिजनमा एक एपिसोडको ३० लाख भारतीय रुपैयाँ लिएका थिए । उनले तेस्रो सिजनमा ८० एपिसोड सम्मको कुल ४८ करोड भारतीय रुपैयाँ लिएका थिए । 

‘द कपिल शर्मा शो’ का निर्माता अभिनेता सलमान खान हुन् । कपिलले आफ्नो शोको सुरूआत २०१६ मा कर्लस टिभी मार्फत गरेका थिए ।