अध्ययनको कारण देखाउँदै थापाले दिए केन्द्रीय सदस्यबाट राजीनामा

काठमाडौं । सत्तारूढ दल नेपाली कांग्रेसको भातृ संस्था नेपाल विद्यार्थी संघको केन्द्रीय सदस्यबाट तारा बहादुर थापाले राजीनामा दिएका छन् । 

अध्ययनको सिलसिलामा आफू देश बाहिर रहेको भन्दै उनले शनिबार जिम्मेवारीबाट राजीनामा दिएको बताए । सो कुरा उनले सामाजिक सञ्जाल फेसबुकमा लेखेका छन् । 

थापाले पार्टी सभापति शेरबहादुर देउवालाई सम्बोधन र संघ सभापतिलाई बोधार्थ गर्दै राजीनामा पत्र लेखका हुन् ।

"अध्यायन को सिलसिलामा म केहि समय देश बाहिर रहेकोले संगठन भित्र को नियमित गतिबिधिहरु र आफ्नो  सांगठानिक भूमिका लाई प्रभावकारी रुपमा निर्बाह गर्न नसकेको अबस्थामा पदमा बसिरहनु मेरो नैतिकता विपरीत भएकोले नेपाल विद्यार्थी संघको केन्द्रिय सदस्य पद बाट राजिनामा सभापति ज्यु समक्ष पेस गरेको छु," उनले लेखेका छन् ।